Italiya terma jamoasi bosh murabbiyi Luchano Spaletti jamoa Yevropa chempionatini tark etganidan so‘ng kelajagi haqidagi savolga javob berdi. Xabaringiz bor, italiyaliklar 1/8 final bosqichida Shveysariyaga 0:2 hisobida imkoniyatni boy berishgan edi.
“Mas’uliyat har doim murabbiyda. Men Gravina [Italiya futbol federasiyasi prezidenti] bilan gaplashaman va vaziyatga oydinlik kiritamiz. Men hech qanday bahona izlamoqchi emasman. Bu tajriba bizga ustida ishlashimiz kerak bo‘lgan narsalar haqida gapirish imkoniyatini beradi", - deya Spaletti so‘zlarini keltirmoqda Tuttosport.
