"ПСЖ" бош мураббийи Луис Энрике испаниялик ярим ҳимоячи Фабиан Руис билан хайрлашишга қарши. Бу ҳақда Footmercato журналистлари хабар бермоқда.

Аввалроқ матбуотда Париж гранди раҳбарияти футболчи билан ёзги трансфер ойнасида хайрлашишни режалаштираётгани ҳақида маълумотлар пайдо бўлганди. Энрике ўз навбатида ватандошини қадрлайди ва сотилишига қарши.

Франция чемпионатининг ўтган мавсумида Фабиан 21 ўйин ўтказиб, битта гол ва 3 голга ассистентлик қилган. Transfermarkt портали маълумотларига кўра, ярим ҳимоячининг бозор қиймати 30 миллион еврони ташкил қилади.