"Барселона"дан ПСВга ўтган Сержиньо Дест Нидерландия жамоасига тўлиқ ўтганидан сўнг ўз ҳис-туйғулари билан ўртоқлашди.
"ПСВ менга ишонади, бу ерда мени жуда қадрлашади. Мен жуда илиқ клуб билан учрашдим, ҳеч қачон бунақасини бошдан кечирмаганман. Мен ПСВда ўйнашни бошлаш, ушбу клуб учун муҳим футболчи бўлиш ва жамоа билан чемпионликни қўлга киритиш имкониятини интиқлик билан кутяпман", - дея клуб матбуот хизматига интервью берди Дест.
Илгари Дест ПСВда ижара асосида ўйнаган ва клуб сафида 37 та ўйинда майдонга тушиб, икки бор рақиблар дарвозасига тўп киритган ва шерикларига 7 та голли узатмани амалга оширган. Дестнинг трансфер нархи 22 миллион еврога баҳоланмоқда.