“А” квартетида Америка кубоги гуруҳ босқичининг сўнгги босқичи учрашувлари бўлиб ўтди.

Аргентина Перуни мағлуб этди (2:0), Канада эса Чили билан очко бўлишди (0:0).

Аргентина 9 очко билан биринчи ўриндан чорак финалга йўл олди. Аргентиналиклар амалдаги чемпион бўлиб, 32-марта турнирнинг плей-офф босқичида иштирок этишади. Рақиб Эквадор ёки Мексика бўлади.

Канада дебют Америка кубогида 4 очко тўплаган ҳолда иккинчи ўриндан чорак финалга йўл олди. Канадаликлар Венесуэлага қарши майдонга тушади.

Чили (2 очко) ва Перу (1) терма жамоалари турнирдан чиқиб кетишди. Биринчиси 2004 йилдан, иккинчиси 1995 йилдан бери биринчи марта турнир плей-оффида ўйнамайди.