Испания терма жамоаси ҳимоячиси Начо Фернандес Евро-2024 1/8 финалида Грузияга қарши ўйин арафасида жамоасининг турнирда ғалаба қозониш имкониятларига баҳо берди.

"Биз турнирнинг энг хавфли палласига киряпмиз, лекин биз орзу қиляпмиз ва энг муҳим нарсалар ҳақида ўйлаймиз. Умид қиламанки, биз финалга чиқа оламиз ва ғалаба қозонамиз, шунда мен Европадаги фаолиятимни энг яхши тарзда якунлашим мумкин.

Одамлар бизни фаворит деб ўйлашлари бизни қизиқтирмайди, биз бор эътиборимизни гуруҳ босқичида бўлгани каби давом эттиришга қаратганмиз", - дея Начонинг сўзларини келтиради Mundo Deportivo.