Ярим ҳимоячи Пётр Зелиньски "Наполи"дан кетиши ҳақида фикр билдирди.
30 ёшли футболчининг неаполликлар билан шартномаси якунига етди. Польшалик янги мавсумдан бошлаб Миланнинг "Интер" клубида ўйнайди.
"Ҳурматли "Наполи", саккиз йиллик бирга бўлганимиздан сўнг, биз алоҳида йўлдан кетяпмиз. Неаполь ҳар доим мен ва оилам учун уй бўлиб қолади. Мен бу ерга келганимда ёш бола эдим, энди ота бўлиб кетяпман. Бу ерда мен қалбимда абадий сақланиб қоладиган ноёб ва унутилмас лаҳзаларни бошдан кечирдим. Биз биргаликда совринларни қўлга киритдик, 33 йил ичида биринчи Скудетто... Бу ғалабани нишонлаш ақл бовар қилмайдиган бўлди. "Наполи"нинг алоҳида мухлислари, клуб ва барча ходимлардан миннатдорман", — деб ёзади Пётр Зелиньски ижтимоий тармоқларда.