"Ал-Аҳли" вингери Аллан Сент-Максимен тез орада Европа футболига қайтиши мумкин.
Франциялик футболчи ўтган ёзда "Ньюкасл"ни тарк этиб, Саудия Арабистонига кўчиб ўтганди. Инсайдер Руди Галеттининг сўзларига кўра, Жозе Моуринь бошчилигидаги Туркиянинг "Фенербахче" клуби қизиқмоқда.
Аллан Сент-Максимен Саудия Арабистони чемпионатининг 30 та учрашувида 4 та гол урди ва 10 та голли узатмани амалга оширди. 27 ёшли футболчининг "Ал-Аҳли" билан шартномаси 2026 йилнинг ўрталарига қадар мўлжалланган.
Transfermarkt порталининг хабарига кўра, вингернинг ҳозирги нархи 18 миллион евро.
