Қанот ҳимоячиси Янкуба Минте "Ньюкасл"ни тарк этиб, "Брайтон"га ўтди. 19 ёшли футболчи билан шартнома имзоланганини "чайкалар" матбуот хизмати тасдиқлади.
Transfermarkt маълумотларига кўра, гамбиялик футболчининг трансфер қиймати 38,8 миллион еврони ташкил қилган - бу "Брайтон" тарихидаги энг қиммат харид.
Аввалги рекорд бир йил аввал, клуб Жоау Педруни "Уотфорд"дан 34,2 миллион еврога сотиб олганида ўрнатилган эди.
Ўтган мавсумда Янкуба Минте Нидерландиянинг "Фейеноорд" клубида ижара асосида ўйнади. Роттердам жамоаси таркибида футболчи барча турнирларда 37 та ўйин ўтказиб, 11 та гол ва 6 та голли узатмани амалга оширган.
