Франциянинг "Метц" клуби "Аякс"дан Жорж Микаутадзени сотиб олди.

Нидерландия клуби 23 ёшли ҳужумчининг француз клубига доимий равишда ўтганини эълон қилди. Битим суммаси 13 миллион еврони ташкил этди.

Микаутадзе ўтган йилнинг август ойида "Метц"дан "Аякс"га кўчиб ўтган, аммо қишда Францияга қайтганди. Ўтган мавсумда у Лига 1да 20 ўйин ўтказиб, 13 гол урган.

Грузия терма жамоаси ҳужумчиси Евро-2024 мусобақасида ҳам энг яхши тўпурарлардан бири - у 3 та гол урди ва биринчи ўринни Жамол Мусиала ва Иван Шранц билан бўлишиб турибди.

Олдинроқ Жорж "Монако"га ўтиши мумкинлиги ҳақида хабарлар тарқалган эди.