Дунёнинг собиқ 10-ракеткаси Эмма Радукану "Катта Дубулға" туркумига кирувчи "Уимблдон" турнири олдидан сўнгги машғулотини ўтказди.
Британиялик теннис маликаси машғулотга футбол бўйича Англия терма жамоаси либосида келди.
“Уимблдон–2024”нинг биринчи даврасида дунё рейтингида 135-ўринни эгаллаб турган Радукану дунёнинг 22-ракеткаси, россиялик теннисчи Екатерина Александровага қарши кортга чиқади. Олдинроқ Радукану россиялик билан бўлажак ўйинда ўзини "тўлиқ аутсайдер" деб атаганди.
"Уимблдон-2024" 1-14 июль кунлари бўлиб ўтади. Турнирнинг амалдаги чемпиони чехиялик теннисчи Маркета Вондроусова ва Испания вакили Карлос Алькарасдир.
