Франция терма жамоаси марказий ҳимоячиси Ибраҳима Конате Бельгия терма жамоасига қарши 2024 йилги Европа чемпионати 1/8 финал учрашуви олдидан ўз фикрларини билдириб ўтди.
"Бу жуда яхши жамоа, унинг таркибида футбол тарихига кирган ва тарихда қоладиган футболчилар бор. Дам олмаслик ёки консентрацияни йўқотмаслик муҳим, чунки бизга фаворит эканлигимиз айтилади. Бу ерда имкониятлар 50 га 50, лекин умид қиламанки, ўйин бизнинг фойдамизга ўтади ва биз олдинга борамиз", - дея Конате сўзларини келтиради УEФА расмий сайти.
Эслатиб ўтамиз, Франция - Бельгия ўйини бугун, 1 июль куни бўлиб ўтади.
