Грузиялик собиқ футболчи Омари Тетрадзе Грузия терма жамоасининг Евро-2024даги ўйинини юқори баҳолади.

Эслатиб ўтамиз, Грузия терма жамоаси гуруҳ босқичида Португалияни мағлуб этиб (2:0) плей-оффга чиқишга муваффақ бўлганди.

Бироқ 1/8 финал босқичида Грузия Испанияга имкониятни бой берди (1:4). Тетрадзе Грузия жамоасининг биринчи йирик турнирдаги натижаларини юқори баҳолади.

"Йигитлар Евродаги натижаси учун ҳурмат ва мақтовларга лойиқ! Унутмайлик, биз биринчи марта бундай савияда ўйнадик.

Грузия жамоаси мағлубиятга учраганига қарамай, яхши ўйин кўрсатди. Бундай ҳисобда ютқазганимиз ачинарли.

Лекин Испания фаворит эди, ҳамма улардан тўпни яхши назорат қилишини кутганди. Грузия эрта гол урди, лекин Испания даражани кўрсатди", - деди Тетрадзе.