Криштиану Роналдунинг Словения дарвозасига 105-дақиқада гол кирита олмагани Евролар тарихидаги 100-фойдаланилмаган пенальти бўлди.

Евро-2024 1/8 финали доирасида Словенияга қарши ўйиннинг 103-дақиқасида Португалия терма жамоаси вингери Диого Жота ҳимоячи Ванья Дркушич билан тўқнашув натижасида рақиб жарима майдончасида йиқилиб кетди. Бош ҳакам Даниэле Орсато пенальти белгилади.

Роналду дарвозанинг пастки ўнг бурчагига қаттиқ зарба берди, аммо дарвозабон Ян Облак жамоасини голдан қутқариб қолди.

Ўйиндан кейинги серияда Роналду биринчи бўлиб ўз жамоаси учун зарба берди ва аниқ ҳаракат қилди.