Дортмунднинг “Боруссия” клуби ҳужумчиси Себастьян Аллер фаолиятини Туркияда давом эттириши мумкин.
30 ёшли футболчи “Бешиктош”нинг трансфер мақсадига айланган. Журналист Руди Галеттининг ёзишича, Истанбул клуби ивуарлик футболчи учун "асаларилар" билан музокараларни бошлаб юборган, ҳужумчининг ўзи билан ҳам музокаралар олиб борилмоқда. “Бешиктош” раҳбарияти трансфер амалга ошиши учун барча имкониятларни ишга солади.
Себастьян Аллер ўтган мавсумда "Боруссия Дортмунд" сафида 19 та ўйинда майдонга тушиб, 3 та гол ва битта голли узатмани амалга оширди. Transfermarkt портали экспертлари футболчининг нархини 10 миллион еврога баҳоламоқда.
