Словения терма жамоаси устози Матьяж Кек пенальтилар сериясида мағлуб бўлган Португалия билан ўйиндан сўнг ўз таассуротлари билан ўртоқлашди.
“Албатта, биз хафамиз, лекин сиз бунга бошқа томондан қарашингиз мумкин. Умид қиламанки, бу турнир Словения футболи келажаги учун бошланғич нуқтага айланади.
Бизни шу қадар ғайрат билан қўллаб-қувватлаган мухлисларга ачинаман. Афсуски, мағлуб бўлдик, аммо Португалия терма жамоаси кейинги босқичга ҳақли эди. Рақибларни табрикламоқчиман - пенальтилар сериясида қандай ғалаба қозонишни билишинг керак", - дея Кекнинг сўзларини келтиради УЕФА матбуот хизмати.
