Лондон грандлари Италия терма жамоаси ва "Болонья"нинг марказий ҳимоячиси Риккардо Калафьорига қизиқиш билдирмоқда.

22 ёшли футболчининг Евро-2024даги ишончли ўйини хориж топ-клубларининг унга бўлган қизиқишини оширди. Фабрицио Романонинг янгиланган ҳисоботига кўра, "Арсенал" ва "Челси" Калафьори ҳолатини диққат билан кузатишда давом этмоқда. Расмий музокаралар ҳали бошланмади, бироқ Лондоннинг иккала клуби ҳам "Болонья" марказий ҳимоячиси учун курашда иштирок этмоқда.

Яқинда "Россоблу" директори Риккардо Калафьори "Ювентус"га ўтмаслигини очиқ айтди, аммо умидли италияликни хориж чемпионатига сотишни истисно этмади.