"Ювентус" ярим ҳимоячиси Поль Погба юзага келган муаммолар фонида фаолиятини якунламоқчи эмаслигини айтди.
Эслатиб ўтамиз, француз допинг-тестдан ўта олмагани учун тўрт йиллик дисквалификаcияга учраган.
“Мен ҳеч қачон футболни тугатганимни айтмаганман. Мен ўйнашни тўхтатмоқчи эмасман. Мен ноҳақлик қурбони бўлдим, лекин қайтиш имкониятим бор. Мен машғулотларда давом этаман, ўзимни ҳали ҳам футболчидек ҳис қиламан. “Ювентус” билан ҳали ҳам шартномам бор. Мен ҳали директор ва мураббий билан боғланганим йўқ – ўйлайманки, улар менинг мурожаатимни кутишмоқда. Биз оптимист бўлишимиз керак”, - деди 31 ёшли футболчи.
