Юлдузли вингер Анхель Ди Мария ҳозир бор эътиборини Аргентина терма жамоасида Америка Кубогида ўйнашга қаратган. 36 ёшли футболчи клуб миқёсида келажагини қитъа футбол форумидан сўнг ҳал қилади. Ди Мария аллақачон эркин агентга айланган – унинг “Бенфика” билан шартномаси июнь ойи охиригача амал қилган.
Todofichajes порталининг хабар беришича, Ди Марияга иккита таклиф бор - ватани Аргентинадан "Росарио" ва Туркиянинг "Бешиктош" клуби. Манбанинг қайд этишича, Анхель катта эҳтимол билан Туркияда ўйнайди. Аргентиналик футболчи “Бешиктош” билан 3,3 миллион евро маош билан икки йиллик шартнома имзолаши мумкин.
