Криштиану Роналду ва Португалия ҳақида рус блогери Кирилл Хаитнинг ёзганларини илиндим:

«Буюклик ҳақида икки оғиз. Пеналти урилмаган вазиятда Криштиану жамоадошларининг реакциясини қайта кўринг. Овертаймлар орасидаги танаффусда улар мураббий кўрсатмаларидан кўра, Роналдуни юпатиш билан шуғулланишди. Гўёки улар чорак финалга чиқа олмай қолишдан кўра, Роналду учун қайғураётгандек.

Португалияда ажойиб таркиб бор. Бруну зўр футболчи, Жота, Бернарду ва Рубен Диаш - ажойиб, аммо улар учун «Криштиану жамоага зарар келтиряптими?» ёки «усиз биз бошқача ўйнашимиз мумкин, балки уриниб кўриш керакдир?» деган саволлар йўқ.

Бу саволлар асосли. Аммо бу масала фақат ташқарида, терма жамоадан узоқда мавжуд холос. Ичкарида эса, ажойиб футболчилар Криштиануга ноқулай нуқталардан ҳам жарима тепишга имкон беришади, у учун кросслар билан ўйнашади, у учун пеналти ишлаб беришади. Ахир уларни бундай қилишга ҳеч ким мажбурламаган, аксинча, уларнинг ўзи Криштиану учун ўйнашдан хурсанд. Унга панд беришни исташмайди. Биргаликда юпатишади. Жасорат кўрсатиш учун ҳам тайёр.

Роналдуга қаратилган барча танқидларда жон бор. У Португалия ўйинини ғариблаштиради. Аммо жамоанинг ўзи ҳам бундан бошқасини хоҳламаса... Буюклик шунақа бўлади»