"Болонья" марказий ҳимоячиси Риккардо Калафьори Англия Премьер-лигасига ўтишга тайёр. Журналист Грэм Бейлининг хабарига кўра, агар Туриннинг "Ювентус" клуби "Болонья" билан келишувга эриша олмаса, италиялик футболчи хориж чемпионатига ўтишга тайёр.
Олдинроқ, "Болонья" А Сериядаги рақибларини кучайтиришдан кўра, Калафьорини хориж жамоасига сотишни афзал кўришини билдирганди.
22 ёшли Калафьори аввалроқ 50-60 миллион евро атрофида баҳоланган эди. Риккардо Италия терма жамоасида Евро-2024'да ўйнаган, аммо унинг жамоаси ⅛ финал босқичидаёқ мусобақадан чиқиб кетган эди.
