Суперлиганинг 2024 йилги мавсуми биринчи даврасини якунланди. Қайдномалар ва умуман сайтга ташриф буюрувчилар учун аҳамиятли бўлган барча маълумотлар ўз вақтида жойлаб борилди.
Лига сайти узоқ йиллар давомида ишлади. 2020 йилдан бошлаб унда қатор ўзгаришлар ва янгиланишлар амалга оширилди. Бироқ статистикаларни ҳисоблаш, мавсумий рақамлар, кўрсаткичларни алоҳида ажратиш ва бошқа масалаларда мураккабликлар мавжуд эди. 2025 йилдан бошлаб сайтга ташриф буюрувчилар учун бир қатор қизиқарли лойиҳаларни ишга туширишни режалаштирилган. Аммо техник жиҳатдан эски сайтда буни амалга оширишнинг иложи йўқ.
Шундан келиб чиқиб, август ойига қадар янги сайтга босқичма-босқич ўтиб борилади. Лига ҳар қандай маълумотни ўз вақтида тақдим этишда давом этади ва уларни ижтимоий тармоқлардаги саҳифаларига ҳам жойлайди.
Барчаси режа асосида кетса, август ойида янги сайт амалдаги пфл.уз доменига ўтказилади. Шунингдек, эски сайтдаги барча ҳужжатлар ва маълумотлар янгисига тўлиқ кўчириб ўтказилгунига қадар эски сайт ОАВ вакиллари учун бошқа домен билан фаолиятини давом эттиради. Биз бу ҳақда алоҳида маълумот бералади.
"Мавжуд ноқулайликни тўғри тушунишингиздан умидвормиз. Ишонамизки, тез орада Лига сайти аввалгисидан яхшироқ ва қулайроқ кўринишга келтирилади" - дейилади ЎзПФЛ расмий баёнотида.
