Аргентина терма жамоаси сардори Лионель Месси душанба кунидан бошлаб Америка Кубоги чорак финал ўйинига тайёргарлик кўраётган миллий терма жамоанинг умумий гуруҳи билан машғулотларни бошлади.
Месси 26 июнь куни Чилига (1:0) қарши гуруҳ босқичида ўтказилган ўйинда мушакдан жароҳат олгани учун машғулот ўтказмади. 37 ёшли аргентиналик футболчи жароҳати сабаб Перу билан ўйинни (2:0) ўтказиб юборди.
Аргентина футбол ассоциациясининг маълум қилишича, Месси машғулотдан олдин кинесиология билан шуғулланган, кейин эса жамоанинг қолган қисми билан ишлаган.
Америка Кубогининг 1/4 финали Аргентина - Эквадор учрашуви 6 июль куни Хьюстонда бўлиб ўтади.
