Бельгия Қироллик футбол ассоциацияси спорт директори Франк Веркаутерен Доменико Тедесконинг Бельгия терма жамоаси бош мураббийи сифатидаги келажаги ҳақидаги саволга жавоб берди.
"Ҳамма нарсани ўйлаб кўриш учун бир неча кун керак бўлади. Домениконинг шартномаси бор, шунинг учун менда бу борада ҳеч қандай савол ёки шубҳа йўқ", - деди Веркаутерен.
Европа чемпионати 1/8 финалида Бельгия терма жамоаси Францияга минимал 0:1 ҳисобида имкониятни бой бериб, турнирни тарк этганди. 38 ёшли Тедесконинг жамоа билан амалдаги меҳнат шартномаси 2026 йилнинг июль ойи охиригача амал қилади.
