Туриннинг "Ювентус" клуби кеча эркин агентга айланган ярим ҳимоячи Адриен Рабиога янги шартнома бўйича якуний таклиф билан чиқди.

Журналист Фабрицио Романонинг хабарига кўра, франциялик мутахассис якуний қарорни Евро-2024'дан кейин қабул қилади. Энди Рабио янги шартномадан воз кечиши эҳтимоли юқори.

"Ювентус" йилига 7 миллион евро атрофидаги маошни клуб ҳозирда таклиф қилиши мумкин бўлган энг яхши маош деб ҳисобламоқда.

Олдинроқ Адриен хизматларига "Милан" қизиқиш билдираётгани ҳақида хабар берилганди. 29 ёшли футболчига Англия Премьер-лигаси клубларидан ҳам талаб бор.