"Реал"нинг ҳужумкор ярим ҳимоячиси Браим Диас "Лос Бланкос"да ўйнашдан хурсанд эканлигини тан олди.
"Мен "Реал Мадрид"да жуда бахтлиман. Бу ерга яхши футболчилар келганидан хурсандман. Бу "Реал Мадрид", бу ерда дунёнинг энг яхши футболчилари ўйнаши керак", - деди Диас Madrid Xtra билан суҳбатда.
Ўтган мавсумда 24 ёшли футболчи барча мусобақаларда 44та ўйинда иштирок этиб, 12та гол урган ва 9та голга ассистентлик қилган.
Диаснинг "Реал" билан амалдаги шартномаси 2027 йилгача мўлжалланган. Transfermarkt портали футболчининг нархини 40 миллион еврога баҳоламоқда.
