"Манчестер Юнайтед" клуби дарвозабон Том Хитон билан шартномани узайтирганини расман эълон қилди.
38 ёшли тажрибали посбон 2025 йилнинг ўрталарига қадар мўлжалланган меҳнат шартномани имзолади. Том Хитон "Манчестер Юнайтед" академиясини тамомлаган.
Дарвозабон 2021 йилнинг ёзида эркин агент сифатида шартнома имзолаб, ўз клубига қайтганди.
Эслатиб ўтамиз, "Манчестер Юнайтед" сўнгги Англия чемпионатини турнир жадвалида саккизинчи ўринда якунлади. Шу билан бирга, Эрик тен Хаг шогирдлари Англия кубоги финалида “Манчестер Сити”ни 2:1 ҳисобида мағлуб этиб, Европа лигасига йўл олди.
