Микель Артета ва "Арсенал" шартномани узайтиришни муҳокама қилишмоқда.
Бу ҳақда инсайдер Фабрицио Романо хабар бермоқда.
"Улар музокара олиб бормоқда. Мунозаралар бор, лекин шошқалоқлик ёки ваҳима йўқ, чунки уларнинг муносабати жуда яхши ва Артета "Арсенал"да жуда бахтли.
Февраль ва март ойларида у "Барселона" билан боғланганида ҳам, у ҳеч қандай клуб билан музокаралар олиб бормаган ва у фақат "Арсенал" лойиҳасига эътибор қаратган", - деди Романо.
Артетанинг Лондон клуби билан амалдаги шартномаси 2025 йилнинг ёзига қадар мўлжалланган. Испаниялик мураббий 2019 йилдан бери жамоани бошқариб келмоқда.
"Арсенал" ўтган мавсумда АПЛда "Манчестер Сити"дан икки очко ортда қолган ҳолда иккинчи ўринни эгаллади.
