Осиё чемпионлар лигаси "G"гуруҳидан ўрин олган дастлабки ўйин якунланди. Япониянинг "Санфречче Хиросима" клуби мусобақадаги дастлабки очкосини қўлга киритишга муваффақ бўлди. Хиросималиклар сафарда "Поханг Стилерс"дан 1 очко тортиб олишга муваффақ бўлишди.
Ўйиннинг 63-дақиқасида Ишихара меҳмонларни ҳисобда олдинга олиб чиққан бўлса, орадан 5 дақиқа ўтиб Чжин Сунг Хванг ҳисобни тенглаштирувчи голга муаллифлик қилди.
Ўйиннинг қолган дақиқаларида жамоалар ўз дарвозаларини дахлсиз сақлаб қолишди.
Ушбу дурангдан кейин "Поханг" ҳозирча 6 очко билан гуруҳда пешқадам бўлиб турибди. "Бунёдкор" эса Пекинда бўлиб ўтаётган ўйиннинг биринчи бўлимидан сўнг 1:0 ҳисобида ғалаба қозонмоқда. Ушбу натижа сақланиб қолса, "қалдирғочлар" гуруҳнинг яққол пешқадамига айланиб олишади.
ОЧЛ. "G" гуруҳи. 4-тур
"ПОХАНГ СТИЛЕРС" - "САНФРЕЧЧЕ ХИРОСИМА" - 1:1
Голлар: Ишихара (63) — Чжин Сунг Хванг (68)
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Поханг Стилерс | 4 | 1 | 3 | 0 | 4-3 | 6 |
| 2 | Бунёдкор | 3 | 1 | 2 | 0 | 4-2 | 5 |
| 3 | Бецзинг Гуоан | 3 | 1 | 2 | 0 | 2-1 | 5 |
| 4 | Санфречче Хиросима | 4 | 0 | 1 | 3 | 2-6 | 1 |
