Австрия ва Туркия терма жамоалари ўртасидаги ўйин якунида австриялик ярим ҳимоячи Кристоф Баумгартнер ҳаводан тўпни турклар дарвозасига йўллади, аммо тўпни дарвозабон Мерт Гюнок қайтарди. Англия терма жамоасининг собиқ ҳужумчиси Крис Саттон туркиялик дарвозабоннинг маҳоратини юқори баҳолади.
"Бу сейв Европа чемпионатлари тарихидаги энг яхшиларидан бири ҳисобланади. Ҳозир туркларни Нидерландия кутмоқда, аммо бу ерда фаворит борлигига ишончим комил эмас", - дея Саттон сўзларини келтиради BBC Sport.
Туркиянинг Нидерландия билан ўйини 6 июль куни бўлиб ўтади. Туркия терма жамоаси ўз тарихида учинчи марта Европа чемпионатининг чорак финалига йўл олди.
