Нидерландия терма жамоаси ярим ҳимоячиси Тижани Рейндерс Европа чемпионати 1/8 финалида Руминияни 3:0 ҳисобида мағлуб этганидан сўнг фикр билдирди. Футболчи жамоа қандай ҳаракат қилгани ҳақида гапирди.
"Ўнг қанот ҳимоячимиз марказга ўтгани учун биз қўшимча ярим ҳимоячи билан ўйнадик. Шу тариқа, чизиқларимиз орасида комбинацион ўйин ўрнатишга ҳаракат қилдик. Ўйлайманки, биз яхши иш қилдик", - дея Рейндерс сўзларини келтиради УEФА сайти.
2024 йилги Европа чемпионати чорак финалида Нидерландия Туркияга қарши ўйнайди. Ўйин 6 июль, шанба куни Берлинда бўлиб ўтади.
