Нидерландия терма жамоаси сешанба куни Руминияни ишончли мағлуб этди (3:0) ва Европа чемпионатининг чорак финалига йўл олди. Нидерландия терма жамоаси ҳимоячиси Дензел Дюмфрис ўйиндан сўнг фикр билдирди.
"Австрияга қарши ўйиндан сабоқ олдик. Ўтган ҳафта биз кўп гаплашдик, кўп нарсаларни муҳокама қилдик. Ўйлайманки, биз бугун ажойиб иш қилдик. Айниқса прессинг ва тўпга эгалик қилишда", - дея Дюмфрис сўзларини келтиради УEФА сайтида.
Эслатиб ўтамиз, Нидерландия терма жамоаси Евро-2024 гуруҳ босқичининг сўнгги турида Австрияга 2:3 ҳисобида имкониятни бой берган эди.
