"Бавария" тез орада "Кристал Пэлас"дан вингер Майкл Олисенинг ўз сафига ўтганини эълон қилиши керак. Айни пайтда журналист Флориан Плеттенберг ижтимоий тармоқларда Олисе Франция терма жамоаси сафида футбол бўйича Олимпия ўйинларида иштирок этишни хоҳлаётгани ҳақида ёзмоқда.
"Бавария" 22 ёшли Олисенинг уйдаги Олимпиадада ўйнаш истагидан хабардор. Мюнхен клуби бу масалани муҳокама қилишга очиқ, аммо якуний қарор ҳали қабул қилинмаган.
Агар Олисега футбол бўйича Олимпия ўйинларига боришга рухсат берилса, у "Бавария"нинг Жанубий Кореяга бўладиган турнесини ўтказиб юборади.
