"Реал Мадрид" жамоаси таркиби ёзги трансфер ойнаси охирида ўзгаради. Тони Кроос, Начо ва Хоселу кетишди, Килиан Мбаппе ва Эндрик келяпти. Шубҳасиз, яна келиш-кетиш трансферлар бўлади.
TodoFichajes нашрининг хабар беришича, ярим ҳимоячи Дани Себальос "Реал Мадрид"ни тарк этмоқчи. 27 ёшли футболчи Мадрид клубидан уни қўйиб юборишни сўраган. Себальос кўпроқ имкониятларга эга бўлишни хоҳлайди. "Реал Мадрид"да бу ярим ҳимоячининг ўйин вақти чекланган.
Transfermarkt портали Дани Себальосни 6 миллион еврога баҳоламоқда. Бир неча йил аввал ярим ҳимоячи Лондоннинг “Арсенал” жамоасида ижара асосида ўйнаган.
