"Манчестер Юнайтед" Италия А Серия клуби ҳужумчиси трансфери бўйича музокараларда муваффақиятга эришди.
Sky Sports нашри хабарига кўра, "манкунианликлар" "Болонья"дан Жошуа Зиркзеени сотиб олишмоқчи. Манбанинг қайд этишича, "Манчестер Юнайтед" ёш нидерландиялик футболчининг вакиллари билан ижобий музокаралар олиб борган.
23 ёшли Зиркзее Эрик тен Хаг жамоасига қўшилишга тайёр. "Болонья" Туриннинг "Ювентус" клуби қизиқишига қарамай, Жошуани хорижга сотиш ниятида экани аввалроқ хабар қилинганди. "Манчестер Юнайтед" ҳозирда ҳужумчини қўлга киритиш учун фаворит ҳисобланади.
