Испания терма жамоаси ҳужумчиси Хоселу Евро-2024 доирасидаги жамоалар ўртасидаги ўйин олдидан Германия терма жамоаси ярим ҳимоячиси Тони Кроос ҳақида гапирди.
Хабарингиз бор, Тони Кроос аввалроқ Евродан сўнг фаолиятини якунлашини эълон қилган эди, яъни энди турнирдаги исталган ўйин унинг футболдаги сўнггиси бўлиши мумкин.
"Умид қиламизки, Кроос жума куни сўнгги ўйинини ўтказади. "Реал Мадрид"да мен у билан кўп гаплашдим ва у менга кўп маслаҳатлар берди. У "Реал Мадрид" ва Германия терма жамоаси тарихида фундаментал аҳамиятга эга. Жума куни уни қўриқлашда эҳтиёт бўлишимиз керак", - деди Хоселу матбуот анжуманида.
