Германия терма жамоаси ярим ҳимоячиси Илкай Гюндоган Испания терма жамоаси ярим ҳимоячиси Родрининг ўйин сифатлари ҳақида гапириб ўтди, у билан "Манчестер Сити"даги ўйинларида йўллари кесишган.
Эслатиб ўтамиз, Германия ва Испания терма жамоалари 2024-йилги Европа чемпионати 1/4 финалида тўқнаш келишади.
"Ҳозир у дунёнинг икки ёки учта энг яхши ярим ҳимоячиларидан бири. Балки у энг зўридир. Сиз ҳар доим унга пас беришингиз мумкин, у доимо бунга тайёр. У деярли ҳар доим тўғри қарорлар қабул қилади ва деярли ҳеч қачон тўпни йўқотмайди.
Ҳар бир мураббий, ҳар бир жамоа уни ўз сафида кўришни хоҳлайди", - дея Гюндоганнинг сўзларини келтиради УEФА матбуот хизмати.
