Германия ҳуқуқ-тартибот идоралари Португалия – Словения ўртасидаги учрашувда стюардлар мухлисни калтаклагани акс этган видеоролик мазмунини текширмоқда, деб хабар бермоқда Reuters.
Франкфурт полицияси вакили Бинто Лонда "Биз видеодан хабардормиз ва баданга шикаст етказилгани ҳақидаги ишни тергов қилмоқдамиз" - деди Reuters билан суҳбатда.
Эслатиб ўтамиз, Франкфуртдаги (Германия) "Дойче Банк Парк" стадионида Португалия ва Словения терма жамоалари ўзаро баҳс олиб боришди. Калтакланган видеони Record Portugal нашри ижтимоий тармоғида жойлаштирди.
