Germaniya huquq-tartibot idoralari Portugaliya – Sloveniya o‘rtasidagi uchrashuvda styuardlar muxlisni kaltaklagani aks etgan videorolik mazmunini tekshirmoqda, deb xabar bermoqda Reuters.
Frankfurt polisiyasi vakili Binto Londa "Biz videodan xabardormiz va badanga shikast yetkazilgani haqidagi ishni tergov qilmoqdamiz" - dedi Reuters bilan suhbatda.
Eslatib o‘tamiz, Frankfurtdagi (Germaniya) "Doyche Bank Park" stadionida Portugaliya va Sloveniya terma jamoalari o‘zaro bahs olib borishdi. Kaltaklangan videoni Record Portugal nashri ijtimoiy tarmog‘ida joylashtirdi.
