Мадриднинг “Атлетико” клуби ва Словения терма жамоаси дарвозабони Ян Облак ўзига хос ютуққа эришди.

Евро-2024 1/8 финалининг яқинда бўлиб ўтган ўйинида словениялик футболчи қўшимча дақиқаларда Криштиану Роналдунинг зарбасини қайтарди.

Учрашув 0:0 ҳисоби билан якунланди ва ўйиндан кейинги серияда португаллар устун келди (3:0). Шундай қилиб, Облак Роналду ва Лионель Мессининг пенальтиларини енгган дунёнинг иккинчи дарвозабони бўлди.

Буни биринчи бўлиб Диего Алвес амалга оширди. Ян Облак 2015 йилнинг бошида Испания кубоги доирасида "Атлетико Мадрид" ва "Барселона" ўртасидаги ўйинда Мессининг нуқтадан йўллаган зарбасини қайтарганди. Ўша баҳс каталонияликларнинг минимал ҳисобдаги ғалабаси билан якунланган.