"Барселона" ярим ҳимоячиси Педри испаниялик жамоадоши Нико Уильямсни ўз клубида кўришни хоҳлашини тан олди.
21 ёшли "Атлетик Бильбао" вингери узоқ вақтдан бери "Барселона"га ўтиши мумкинлиги ҳақида хабарлар тарқалган эди, аммо ўсиб бораётган юлдузга бошқа даъвогарлар ҳам бор. Қолаверса, каталонияликлар молиявий қийинчиликлар туфайли келишувни амалга оширишга қийналади.
“Албатта, Нико Уильямс “Барселона” учун ажойиб трансфер бўларди. Евро ўйинларида у нималарга қодирлигини кўрсатиб бўлди.
Умид қиламанки, у бизга осонлик билан қўшила олади, аммо ҳеч ким аниқ билмайди, чунки унинг "Атлетик" билан шартномаси бор", - дея Педрининг сўзларини келтиради Mundo Deportivo.
