Англия терма жамоаси бош мураббийи Гарет Саутгейт Швейцарияга қарши Европа чемпионати чорак финал ўйини учун жамоасининг тактикасини ўзгартирмоқчи. Бу ҳақда The Telegraph журналистлари хабар берди.
Чорак финал олдидан мутахассис учта ҳимоячи билан ўйнаш қарорига келган. Бу трио Кайл Уокер, Жон Стоунз ва Эзри Конса бўлиши мумкин.
Эслатиб ўтамиз, “Уч шерлар” ҳимоячиси Марк Гехи швейцарияликлар билан учрашувни ўтказиб юборади. Эслатиб ўтамиз, 1/8 финалда Англия терма жамоаси Словакия устидан 2:1 ҳисобида иродали ғалабага эришди. 6 июль, шанба куни Швейцария билан чорак финал баҳси бўлиб ўтади.
