"Бавария" ва Германия терма жамоаси шарафини ҳимоя қилаётган Жамол Мусиала Испания терма жамоасининг савияси ҳақида ўз фикрлари билан ўртоқлашди.
“Бизни жуда қийин ўйин кутиб турибди. Иккала жамоада ҳам финалга чиқиш учун зарур бўлган сифатлар мавжуд. Биз ўз қобилиятимизга, ғалабага ишончимиз комил бўлишимиз ва бир-биримизга туртки бўлишимиз керак.
Испанларда хавфли ўйинчилар кўп. Нико Уильямс, Ламин Ямал, Педрини таъкидлаш мумкин - уларнинг барчаси ўйин натижасини бир ўзи ҳал қилишга қодир. Аммо бизда ҳам шундай ўйинчилар бор, шунинг учун биз ўзимизга ишончни сақлашимиз керак”, деди 21 ёшли германиялик ҳужумкор ярим ҳимоячи.
