"Bavariya" va Germaniya terma jamoasi sharafini himoya qilayotgan Jamol Musiala Ispaniya terma jamoasining saviyasi haqida o‘z fikrlari bilan o‘rtoqlashdi.
“Bizni juda qiyin o‘yin kutib turibdi. Ikkala jamoada ham finalga chiqish uchun zarur bo‘lgan sifatlar mavjud. Biz o‘z qobiliyatimizga, g‘alabaga ishonchimiz komil bo‘lishimiz va bir-birimizga turtki bo‘lishimiz kerak.
Ispanlarda xavfli o‘yinchilar ko‘p. Niko Uilyams, Lamin Yamal, Pedrini ta’kidlash mumkin - ularning barchasi o‘yin natijasini bir o‘zi hal qilishga qodir. Ammo bizda ham shunday o‘yinchilar bor, shuning uchun biz o‘zimizga ishonchni saqlashimiz kerak”, dedi 21 yoshli germaniyalik hujumkor yarim himoyachi.
