Словакияга қарши Европа чемпионати ўйинида Жуд Беллингемнинг қўл имо-ишораси учун қандай жазо тайинлангани маълум бўлди.
Bild нашри хабарига кўра, Англия терма жамоаси етакчиси шов-шувли хатти-ҳаракатлари учун дисквалификация билан жазоланмайди. Бироқ футболчи молиявий жаримага тортилди.
Шу тариқа, ярим ҳимоячи Евро чорак финалида Швейцария термасига қарши ўйнай олади. 1/8 финалда инглизлар Словакияни аранг (2:1) ҳисобида мағлуб этишди.
"Уч шерлар" сафида Беллингем ва Кейн гол уришди. Европа чемпионати чорак финалидан ўрин олган Англия – Швейцария учрашуви 6 июль, шанба куни бўлиб ўтади.
