Ҳуқуқлари Испаниянинг "Вильярреал" клубига тегишли бўлган марказий ҳужумчи Александр Сорлот Италия чемпионатига ўтиши мумкин. Бу ҳақда Relevo нашри хабар бермоқда.
Манбанинг хабарига кўра, норвегиялик ҳужумчини ўз сафига пойтахтнинг "Рома" клуби қизиқмоқда. "Сариқ сув ости кемаси" раҳбарияти Сорлот билан 35 миллион евро эвазига хайрлашишга тайёр.
Эслатиб ўтамиз, Испания чемпионатининг сўнгги мавсумида Александр 23 та гол уриб, Ла Лиганинг иккинчи тўпурари бўлди. Скандинавиялик ҳужумчи тўпурарлик пойгасида фақат "Жирона"да ўйнаётган украиналик ҳужумчи Артем Довбикка ютқазди.
