Германиялик ҳимоячи Йозуа Киммих ёзги трансфер ойнасида "Бавария"ни тарк этиши мумкин.
RMC Sport нашри хабарига кўра, футболчини "ПСЖ" ўз сафига қўшиб олмоқчи. Француз гранди "Бавария" билан шартномаси келаси ёзда якунига етадиган Киммих номзодига қайтди.
Немис футболчисининг трансферига парижликлар жамоаси бош мураббийи Луис Энрикенинг шахсан ўзи қизиқмоқда. Испаниялик мураббийни ўйинчининг кўп қиррали маҳорати, техникаси ва етакчилик фазилатлари ўзига тортади.
"ПСЖ" немис томони билан мумкин бўлган келишув бўйича музокараларни бошлади. Германия чемпионатининг сўнгги мавсумида Йозуа 28 та ўйин ўтказиб, битта гол урди ва 6 голга ассистентлик қилди.
