"Милан" ҳимоячиси Тео Эрнандес яқинда "Манчестер Сити"га ўтиши мумкинлиги ҳақида хабарлар тарқалган эди.

Manchester Evening News аввалроқ франциялик футболчи "Etihad Stadium"га 60 миллион еврога кўчиб ўтишга яқин қолгани ҳақида хабар берганди. Италиялик журналист Фабрицио Романо бу маълумотни рад этди ва миш-мишлар ҳақиқатга тўғри келмаслигини айтди. Эрнандес ушбу трансфер ойнаси вақтида "Милан"ни тарк этиши мумкин, аммо бу ҳақда қарор Евро-2024дан кейин қабул қилинади.

Эслатиб ўтамиз, "Манчестер Сити" янги чап қанот ҳимоячиси изламоқда, Эрнандес эса бозордаги энг жозибадор вариантлардан бири. 5 июль куни Тео Франция терма жамоаси сафида Европа чемпионатининг чорак финалида Португалияга қарши ўйнайди.