"Milan" himoyachisi Teo Ernandes yaqinda "Manchester Siti"ga o‘tishi mumkinligi haqida xabarlar tarqalgan edi.
Manchester Evening News avvalroq fransiyalik futbolchi "Etihad Stadium"ga 60 million yevroga ko‘chib o‘tishga yaqin qolgani haqida xabar bergandi. Italiyalik jurnalist Fabrisio Romano bu ma’lumotni rad etdi va mish-mishlar haqiqatga to‘g‘ri kelmasligini aytdi. Ernandes ushbu transfer oynasi vaqtida "Milan"ni tark etishi mumkin, ammo bu haqda qaror Yevro-2024dan keyin qabul qilinadi.
Eslatib o‘tamiz, "Manchester Siti" yangi chap qanot himoyachisi izlamoqda, Ernandes esa bozordagi eng jozibador variantlardan biri. 5 iyul kuni Teo Fransiya terma jamoasi safida Yevropa chempionatining chorak finalida Portugaliyaga qarshi o‘ynaydi.
