"Барселона" ва Германия терма жамоаси ярим ҳимоячиси Илкай Гюндоган Нико Уильямс ҳақида ўз фикрини айтди.
Бильбаонинг "Атлетик" клуби вингери ўзини Евро-2024да Испания терма жамоаси етакчиси сифатида кўрсатди. 1/4 финал ўйини олдидан журналистлар Гюндогандан Уильямснинг "Барселона"га ўтиши мумкинлиги ҳақида гапиришни сўрашди.
"Миш-мишларни билмайман, лекин айтишим мумкинки, у улкан иқтидорга эга, энг юқори савияда ўйнашга лойиқ футболчи. Мен унинг нафақат Евродаги ўйини, балки Ла Лигада кўрсатган кўрсаткичига ҳам баҳо бераман. Агар у худди шу руҳда давом этса, жуда узоққа бориши мумкин", - дея Гюндоганнинг сўзларидан иқтибос келтиради Barca Universal.
