"Пари Сен-Жермен" вингер Крисенсио Саммервил ("Лидс") ва ҳимоячи Лютсхарел Гертрейдани ("Фейеноорд") ўз сафига қўшиб олмоқчи.

Нидерландияликларга Европанинг бошқа гигантлари, жумладан, “Ливерпуль” ва Лондоннинг “Арсенал” клублари ҳам қизиқиш билдирмоқда, бироқ иккала футболчи учун курашда айнан парижликлар етакчилик қилмоқда, дея хабар беради журналист Грем Бейли.

Transfermarkt портали 22 ёшли Крисенсио Саммервилнинг нархини 20 миллион еврога баҳолаган. Футболчи "Лидс"да ажойиб мавсум ўтказди, чемпионат доирасидаги 43 та ўйинда 19 та гол ва 9 та голли узатмани амалга оширди, аммо ҳали Нидерландия терма жамоасида майдонга тушмади.